Buplikt ved kjøp av eigedom

Kort fortalt

Buplikt betyr ei plikt til å busetje seg på ein eigedom eller eit hus som du eig. Det er kommunen som fastset om eit område skal ha buplikt. Dersom du ønskjer å kjøpe eit bustadhus i eit område med buplikt, og du ikkje vil bruke huset som heilårsbustad, må du søkje om konsesjon (løyve).

Beskrivelse

Dersom du ønskjer å kjøpe eit bustadhus og du ikkje vil forplikte deg til å nytte eigedommen som heilårsbustad av deg sjølv eller andre, må du søkje om konsesjon. Kommunen ønskjer å leggje til rette for levande lokalsamfunn og sikre busetjinga ved at bustadeigedommar i størst mogleg grad blir nytta som heilårsbustader.

Målgruppe

Bustadkjøparar i område med nedsett konsesjonsgrense (buplikt)

Kriterier

Du må søkje konsesjon ved kjøp av:

• Utbygd eigedom som er eller har vore i bruk som heilårsbustad
• Eigedom med bustadbygging som ikkje er teken i bruk som heilårsbustad, i område som er regulert til bustadføremål (gjeld også eigedom med busetnad under oppføring
• Tomt utan oppført bustad som er regulert til bustadføremål

Regelverk

Lover

• Forvaltningsloven Lenke til et annet nettsted, åpnes i nytt vindu.
• Konsesjonsloven Lenke til et annet nettsted, åpnes i nytt vindu.

Retningslinjer

• Konsesjon, priskontroll og boplikt (M-1/2021) Lenke til et annet nettsted, åpnes i nytt vindu.

Praktiske opplysninger

Veiledning - hvordan få utført eller motta tjenesten

Du sender søknad om konsesjon til kommunen. Søknaden skal mellom anna innehalde opplysningar om kjøparen, eigedommen og formålet med kjøpet.

Saksbehandling

Kommunen vil gjere eit vedtak. Forhold som vil bli vurderte, er mellom anna

• Kor eigedommen ligg og om området eigedommen ligg i er eit utprega fritidsområde
• Kor lang tid det er gått sidan eigedommen blei brukt som heilårsbustad og kor lenge han blei brukt som heilårsbustad
• Om ein kan rekne med at andre vil kjøpe eigedommen for å bruke han som heilårsbustad

Saksbehandlingstid

Kommunen skal behandle saka så raskt som mogleg. Dersom saka ikkje kan avgjerast innan éin månad, skal du ha skriftleg svar om årsaka til det. Du skal samstundes få opplyst når du kan vente at vedtaket vil bli gjort.

Klagemulighet

Dersom du er misnøgd med vedtaket, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner vedtaket bør endrast. Treng du rettleiing, kan du vende deg til kommunen. Lèt kommunen avgjerda stå, blir saka sendt vidare til Statsforvaltaren, som avgjer om klagen skal takast til følgje.

2021 KF (Kommuneforlaget AS), Oslo, KF Tjenestekatalog.
Tjenestebeskrivelsene i KF Tjenestekatalog viser lovpålagte kommunale tjenester til innbyggere og næring. Beskrivelsene blir oppdatert fortløpende ved endringer i lover og sentrale forskrifter.
Tjenestebeskrivelsen er automatisk oppdatert 19.02.2021